Atrial Septal Defect in Urdu
آرٹریل سیپٹل دل کے اوپر والے حصوں کی دیوار کے درمیان موجود خالی جگہ کو کہا جاتا ہے ۔ جس کو دل کے پردے میں سوراخ کے نام سے بھی جانا جاتا ہے یہ خرابی عام طور پر پیدائشی طور پر ہوتی ہے ۔ چھوٹی موٹی ان خرابیوں کے سبب عام طور پر کوئی بڑا مسلہ درپیش نہیں ہوتا ہے ۔ اور کچھ چھوٹی سوراخین توعمر بڑھنے کے ساتھ ساتھ خود ختم بھی ہو جاتی ہیں لیکن اگر یہ سوراخ زیادہ بڑا ہو تو یہ دل اور پھپھڑوں کو متاثر کرنے کا سبب بن سکتا ہے ۔ اس سوراخ کی وجہ سے پھپھڑوں میں خون کی ترسیل کی شرح بہت بڑھ جاتی ہے ۔ اس کی پیچیدگیوں سے بچنے کے لیۓ سرجری کے ذریعے اس سوراخ کو بند کیا جا سکتا ہے-
کافی بچے دل کے پردے میں سوراخ کے ساتھ پیدا ہوتے ہیں لیکن ان می اس کی علامات ظاہر نہیں ہوتی ہیں ۔ بالغ ہو کر اس کی علامات سامنے آنا شروع ہوجاتی ہیں ۔ دل کے پردے میں سوراخ کی صورت میں سامنے آنے والی علامات کچھ اس طرح سے ہو سکتی ہیں
سانس لینے کے دوران مشکل کا سامنا خاص طور پر ورزش کے دوران
تھکن
ٹانگوں ، پیروں اور پیٹ میں سوزش
دل کی دھڑکنوں کا تیز ہونا یا مس ہو جانا
فالج
دل کےدھڑکنیں کے دوران سیٹی کی آواز آنا جس کو استھٹسکوپ ہی سےچیک کیا جا سکتا ہے-
اس بیماری کے علاج کے لیۓ ڈاکٹر یہ طریقہ کار اختیار کرتے ہیں
میڈیکل مانیٹرنگ
ادویات کا استعمال
سرجری
کارڈیک کیتھیٹرائزیشن
اوپن ہارٹ سرجری