عورتیں ہمارے معاشرے میں ماضی میں اس بات کا حق نہیں رکھتی تھیں کہ وہ اپنی مرضی کے یا اپھی خواہشات کے مطابق جیون ساتھی کا انتخاب کر سکیں یہی وجہ ہے کہ ماضی میں جب لڑکیوں کے رشتے کے اشتہارات دیۓ جاتے تھے تو مردوں کا برسر روزگار اور شریف ہونا ہی خوبصورت ترین اور تعلیم یافتہ لڑکی کے لیۓ کافی ہوتا تھا
عورتیں کیسے مردوں کو پسند کرتی ہیں
مگر اب جب سے عورتیں معاشی میدان میں اور زںدگی کے دوسرے شعبوں میں مردوں کے شانہ بشانہ کھڑی ہیں وہیں اب ان کی شادی کے لیۓ مرد کے انتخاب میں شرائط سخت ہوتی جا رہی ہیں ایک سروے کے مطابق ماہر نفسیات کے مطابق عورتیں شادی کے لیۓ کیسے مردوں کو ترجیح دیتی ہیں وہ کچھ اس طرح سے ہے
کشادہ ذہنیت اور سمجھدار ہو
عورتیں حالیہ دور میں شادی کے لیۓ ایسے مرد کو ترجیح دیتی ہیں جو میچور ہو ، اپنے فیصلوں کے لیۓ گھر کےدوسرے افراد پر انحصار کرنے کے بجاۓ خود فیصلہ کرنے کی صلاحیت کا حامل ہو۔
آج کل کی عورت جو کہ کام کےلیۓ اور اپنے کیرئیر کے لیۓ گھر سے باہر نکلتی ہے اس کے لیۓ ایسے مرد کے ساتھ زندگی گزارنا بہت مشکل ہو جاتا ہے اس وجہ سے عورتیں شادی کے لیۓ ایسے مردوں کا انتخاب کرتی ہیں جو کشادہ ذہنیت کے حامل ہوں
باروزگار اور تعلیم یافتہ ہو
عورتیں اگرچہ جتنی بھی کامیاب ہوں اور اچھا کما رہی ہوں مگر اس کے باوجود وہ کسی ایسے مرد سے شادی کے لیۓ تیار نہ ہو گی جو کہ بے روزگار ہو اور غیر تعلیم یافتہ ہو ۔ عورتیں اس کے بجاۓ سادی عمر کنوارے رہنے کو ترجیح دیں گی ۔
یہ عورت کی فطرت ہوتی ہے کہ وہ ہمیشہ اپنے شوہر کو خود سے مضبوط اور مستحکم دیکھنے کی خواہشمند ہوتی ہے اس وجہ سے خواتین شادی کے لیۓ ہمیشہ ایسے مردوں کو ترجیح دیتی ہیں جو کہ باروزگار ہو
گھر والوں اور گھر والی میں توازن رکھنے کے ہنر سے واقف ہو
عورتیں جب بھی شادی کے خیال سے کسی مرد سے بات کرتی ہیں تو ان کے پیش نظر یہ بات ہوتی ہے کہ کیا یہ مرد رشتوں کے درمیان توازن رکھنے کی اہلیت رکھتا ہے یا نہیں ۔ ماہرین نفسیات کے مطابق عورتیں اس حوالے سے بہت حساس ہوتی ہیں اس وجہ سے وہ مردوں سے ملتے ہوۓ اس بات کا خصوصی خیال رکھتی ہیں کہ مرد شادی کے بعد کس طرح سے تمام رشتوں کے درمیان توازن رکھنے کی صلاحیت کا حامل ہے یا نہیں
گھر کے کاموں میں ہاتھ بٹانے کو عار نہ سمجھے
آج کل کی عورتیں ایسے مردوں کو ترجیح دیتی ہیں جو ان کے ساتھ دوستانہ رویہ رکھیں ۔ جو عورتوں کی عزت کرتے ہوں اور گھر کو صرف عورت کی ذمہ داری نہ سمجھتے ہوں جس طرح مرد ایسی عورت کو ترجیح دیتا ہے جو معاشی میدان میں اس کا سہارا بن سکے اسی طرح عورت کی بھی خواہش ہوتی ہے کہ ایسے مرد سے شادی کرۓ جو گھر کے کاموں میں اس کو سپورٹ کرۓ
گھر کے روز مرہ کے کاموں کو صرف عورت کی ذمہ داری نہ سمجھے بلکہ اس میں عورت کا ساتھ دینے والا اور اس کی مدد کرنے والا ہو ۔
بیوی کو صرف بچے پیدا کرنے کی مشین نہ سمجھے
آج کل کی عورتیں بھی ماضی کی طرح بچوں کی پیدائش کو اپنی نسوانیت کی تکمیل سمجھتی ہیں مگر اس کے ساتھ ساتھ آج کل کی عورت ایک کیرئير اورینٹڈ عورت ہوتی ہے اس وجہ سے وہ بچوں کو اور اپنے کیرئير کو دونوں کو ساتھ چلانا چاہتی ہے
اس وجہ سے عورتیں ایسے مردوں کو ترجیح دینا پسند کرتی ہیں جو ان کی اس بات کو سمجھ سکیں اور عورتوں کو صرف اپنے بستر کا ساتھی نہ سمجھیں بلکہ اس بات کا بھی احساس کریں کہ عورت کیا چاہتی ہے
اسمارٹ اور خوبصورت ہو
اگرچہ عورتوں کا رشتے کے لیۓ خوبصورت ہونا لازم ہوتا ہے مگر مردوں کے لیۓ خوبصورت اور اسمارٹ ہونا ثانوی حیثیت رکھتا ہے مگر اس کے باوجود عورتیں اس بات کی خواہشمند ہوتی ہیں کہ ان کا شوہر بھی اتنا اسمارٹ ہو کہ اس کے ساتھ چلتے ہوۓ وہ فخر محسوس کریں
عورتیں ایسے مردوں کے ساتھ خوش نہیں رہتی ہیں جو کہ اپنے لباس کا خیال نہیں رکھتے ہیں ۔ اس کے علاوہ موٹے اور بے ہنگم مرد بھلے جتنے بھی دولت مند ہوں عورتیں ایسے مردوں کے ساتھ خوشی محسوس نہیں کرتی ہیں
یاد رکھیں ! شادی ایک جوۓ کی طرح ہوتی ہے اس کے حوالے سے کچھ بھی کہنا قبل از وقت ہوتا ہے ۔ مگر ماہر نفسیات نے ایک سروے کے مطابق بہت ساری خواتین سے مختلف قسم کے سوالات کے ذریعے یہ خصوصیات بیان کی ہیں ۔