ماں کے پیٹ میں بچے کی حرکت سے اس کی صحت کے بارے میں جانیں

آپ کے حمل کے سب سے دلچسپ تجربات میں سے ایک پہلی بار اپنے بچے کی حرکت کو محسوس کرنا ہوتا ہے۔ یہ حمل کی ایک دلچسپ نشانی ہوتی ہے جب آپ پہلی بار اپنے بچے کے رحم کے اندر حرکت کرتے ہوئے محسوس کرتے ہیں۔ اور یہ حرکتیں ظاہر کرتی ہیں کہ آپ کا بچہ زندہ ہے اور اچھی طرح نشوونما پا رہا ہے۔

بچے کو اپنے پیٹ میں گھومتے ہوئے محسوس کرنا

آپ کو اپنے بچے کو اپنے پیٹ میں گھومتے ہوئے محسوس کرنے کی عادت پڑ سکتی ہے۔ آپ اپنی پسلیوں میں لات پڑنے کی شکایت بھی کر سکتی ہیں یا یہ بھی قیاس کر سکتی ہیں کہ آپ مستقبل کے فٹ بال اسٹار کو جنم دینے جا رہی ہیں، لیکن یوٹیرس میں اپنے بچے کی حرکت پر نظر رکھنا بھی ضروری ہوتا ہے اس طرح، اگر آپ جنین کی نقل و حرکت میں کمی محسوس کرتے ہیں، تو آپ کو اضافی تشخیص کے لیے فورا اپنی ڈاکٹر سے رجوع کرنا چاہیئے۔

ہر بچہ منفرد ہوتا ہے اور آپ کے لیے یہ ضروری ہے کہ آپ اپنے بچے کی حرکت کے انداز کو جانیں۔ اگر آپ کو لگتا ہے کہ آپ کے بچے کی نقل و حرکت میں طاقت یا کمی آئی ہے تو فوری طور پر اپنی ڈاکٹر سے رابطہ کریں۔ اگلے دن تک کا انتظار نہ کریں۔

جنین یا بچے کی حرکت کب شروع ہوتی ہے؟

۔ 1 ان پہلی چند محسوس ہونے والی حرکتوں کو بعض اوقات پھڑپھڑاہٹ کہا جاتا ہے

۔ 2 آپ کچھ ہلنا سا محسوس کر سکتی ہیں اور پھر خود سے بھی اندازہ لگا سکتی ہیں

۔ 3 کیا میں نے واقعی کچھ محسوس کیا؟

۔ 4 جنین کی یہ ابتدائی حرکات ہلکی پھڑپھڑاہٹ کی طرح محسوس ہو سکتی ہیں

  ۔ 5 یہ بلبلوں کی طرح بھی محسوس ہو سکتی ہیں

۔ 6 کچھ خواتین ان کو گیس بھی سمجھتی ہیں

دوسرے سہ ماہی کے دوران

عام طور پر، آپ اپنے دوسرے سہ ماہی کے دوران، یعنی حمل کے 16 اور 22 ہفتوں کے درمیان انہیں محسوس کرنا شروع کر سکتی ہیں۔ تاہم، اگر یہ آپ کا پہلا حمل ہے، تو آپ کو ، شاید 20 اور 22 ہفتوں کے درمیان محسوس ہونے کا زیادہ امکان ہوتا ہے۔ اگر آپ پہلے حاملہ ہو چکی ہیں، تو شاید آپ ان کو جلدی محسوس کرنا شروع کردیں، شاید 16 ہفتے کے اندر ہی۔

تاہم، ہر حمل منفرد ہوتا ہے. بچے کی حرکت کو محسوس کرنے کے لیے کوئی “صحیح” وقت نہیں ہوتا ہے، اور آپ کو 16 ہفتوں سے پہلے یا 22 ہفتوں کے بعد پھڑپھڑانا محسوس ہو سکتا ہے۔ 

دوسری سہ ماہی یعنی ٹرائمسٹر میں بچے کی حرکت کیسی ہوتی ہے؟

دوسری سہ ماہی

یہ حمل کے شاندار دن ہوتے ہیں، جب صبح کی سکنیس ختم ہو جاتی ہے، دوسرے سہ ماہی کے دوران آپ کے بچے کی حرکت تھوڑی غیر متوقع  ہو سکتی ہے۔ آپ کو وہ پہلی پھڑپھڑانے والی حرکتیں زیادہ واضح محسوس ہوں گی، جو دوسرے سہ ماہی میں شروع ہو سکتی ہیں۔

پھر عام طور پر، آپ جنین کی ان حرکات کو کچھ زیادہ ہی بار بار محسوس کرنا شروع کر دیں گے اور ان کی شدت پہلے سے زیادہ ہوتی ہے۔ یہ آپ کا بچہ ابھی وارم اپ ہو رہا ہوتا ہے! جیسے جیسے آپ کے بچے کا صرف وارم اپ ہوتا ہے وہ بڑا ہوتا جائے گا، اس کی حرکتیں بھی بڑھتی جائیں گی۔

اور آپ کو پیٹ میں کچھ کھنچاؤ سا محسوس ہونا شروع ہو سکتا ہے اور ہو سکتا ہے کہ آپ کو کچھ گھونسیں اور لاتیں بھی لگیں۔کوئی بھی آپ کے پیٹ پر ہاتھ رکھ سکتا ہے اور آپ کے بچے کی حرکت محسوس کرسکتا ہے۔

تیسری سہ ماہی میں  بچے کی حرکت کیسی ہوتی ہے؟

جب آپ تیسرے سہ ماہی میں داخل  ہوتی ہیں تو آپ اضافی وزن کی وجہ سے کافی دباؤ میں ہوتی ہیں اس آخری سہ ماہی میں کسی وقت، آپ کو اپنے بچے کی حرکات کی روٹین واضح نظر آسکتی ہے ۔ شاید آپ کا بچہ دن یا رات کے مخصوص اوقات میں زیادہ ایکٹو ہوتا ہو۔ حرکتیں زیادہ زوردار محسوس ہو سکتی ہیں، اور آپ کبھی کبھار خاص طور پر پرجوش کک یا گھونسے کے بعد “اوف” نکال سکتے ہیں۔ آپ کا ساتھی آپ کے بچے کو آپ کی جلد کے نیچے حرکت کرتا دیکھ سکتا ہے اور پوچھ سکتا ہے (کیا یہ ایک پاؤں ہے؟)

تاہم، یہ آپ کے حمل کا وہ وقت بھی ہے جب آپ کا بچہ آپ کے رحم میں گھومنے کے ساتھ باہر کی طرف زور لگانا شروع کردیتا ہے۔ یہ اچھی بات ہوتی ہے، کیونکہ اس کا مطلب ہوتا ہے کہ آپ کے بچے کا وزن بڑھ رہا ہے، وہ مضبوط ہو رہا ہے۔

لیکن اس کا مطلب یہ بھی ہوتا ہے کہ آپ کا بچہ اب اتنی آزادانہ طور پر مزید نہیں بڑھ سکتا اور نہ ہی آگے پیچھے گھوم سکتا ہے۔ تیزی سے چھوٹی جگہ میں حرکت مشکل ہونے کی وجہ سے حرکت کم ہوسکتی ہے, لیکن آپ کو پھر بھی حرکت محسوس کرتے رہنا چاہیئے۔ اسی لئے آپ کا ڈاکٹر کک گنتی کرنے کا مشورہ دے سکتا ہے۔

کک شمار یا گنتی کیا ہوتی ہے؟

آپ دن کا ایک وقت چنتے ہیں اور اس وقت کے دوران آپ کا بچہ کتنی بار لات مارتا ہے یا حرکت کرتا ہے اس کی گنتی کرتی ہیں  اسے بعض اوقات جنین کی نقل و حرکت کا شمار اور ایف ایم سی  بھی کہا جاتا ہے۔ عام طور پر، بہترین موازنہ کے لیے، ہر روز ایک ہی وقت میں کک کرنا اچھا طریقہ ہوتا ہے۔ بچے کی نقل و حرکت پر توجہ دیں، اور دیکھیں کہ 10 ککس تک پہنچنے میں اسے کتنا وقت لگتا ہے۔

اگر آپ کا بچہ ایک گھنٹہ کے اندر آپ کو 10 بار لات نہیں مارتا، تو آپ ناشتہ کرنے، پوزیشن بدلنے، اور پھر ایک گھنٹے تک اپنی گنتی جاری رکھنے کی کوشش کر سکتی ہیں۔ اگر آپ دوسرا گھنٹہ ختم ہونے سے پہلے 10 پر پہنچ جاتی ہیں، تو گنتی کو روکنا بہتر ہوسکتا ہے۔

لیکن اگر آپ مستقل طور پر روزانہ کی بنیاد پر کک کی گنتی کی نگرانی کرتی ہیں اور پھر ایک دن محسوس کرتی ہیں کہ بچے کی حرکت بند ہے یا بہت کم ہے ، تو فوری طور پر اپنے ڈاکٹر کو کال کریں۔

مرہم کی ایپ ڈاون لوڈ کرنے کے لیۓ یہاں کلک کریں

Android	IOS