گرمی میں پیریڈز کے دوران جلد کے مسائل اور خارش کا حل

 عورت کو ہر مہینے پیریڈز کے سائیکل سے گزرنا پڑتا ہے اسے ماہواری یا حیض بھی کہتے ہیں۔ پیریڈز کا آنا ایک قدرتی عمل ہے۔ پیریڈز کے سائیکل بلا شبہ پریشان کن ہوتے ہیں اور اس ماہانہ چکر کو گرمی مزید پریشان کن بنا دیتی ہے۔

گرمی کے موسم میں پیریڈز کے ساتھ جلد کے مسائل میں خارش سب سے عام مسئلہ ہے۔ کوئی ایک بھی عورت ایسی نہیں ہے جسے ماہواری کے دوران خارش یا ریشز کا سامنا نہ ہوا ہو لیکن ان کی وجوہات سے آگاہی بہت ضروری ہے اور ان سے بچاؤ کی تدابیر اختیار کر کے شدید علامات سے بچا جاسکتا ہے۔

۔ 1 گرمی میں پیریڈز کے دوران جلد کے مسائل

پیریڈز کے دوران خاص طور پر گرمی کے موسم میں جلد کے مسائل ہو سکتے ہیں، جیسے وجائنل خارش، خشکی، ریشیز وغیرہ ان کی وجوہات درج ذیل ہیں۔

۔ 1 پیریڈز پروڈکٹس

پینٹیز، پیریڈز پروڈکٹس، خوشبودار لوشن اور اسپرے، کوئی بھی چیز جو آپ کے وجائنا کے ساتھ ٹچ میں رہتی ہے وہ کبھی کبھی الرجی کر سکتی ہے۔ یہ چیزیں اس پریشان کن خارش کا باعث بن سکتی ہیں۔

کچھ مصنوعات میں ایسے اجزاء ہوتے ہیں جو جلن اور خارش کا سبب بن سکتے ہیں، جیسے سینیٹری پیڈز اس کے علاوہ ٹیمپون نہ صرف پیریڈز کے خون کو جذب کرتے ہیں، بلکہ وہ وجائنا کی قدرتی چکنائی کو بھی جذب کرتے ہیں، جو آپ کی جلد کی خشکی اور خارش کا باعث بن سکتا ہے۔

۔ 2 گرمی اور گیلا پن

 ماہواری کے دوران وجائنا کی خارش یا اس کے ارد گرد کے حصوں میں ریشیز ہونے کی دو بڑی وجوہات گرمی اور گیلا پن ہیں۔ سینیٹری پیڈ زیادہ دیر تک پہننے سے وجائنا مستقل نم رہتی ہے اور پیڈ کے جلد پر لگاتار رگڑنے سے آپ کی جلد پر سوزش اور خارش ہو سکتی ہے۔ ماہواری کے دوران وجائنا کے مسائل سے چھٹکارہ حاصل کے لیۓ ماہر امراض نسواں سے رجوع ضرور کریں۔

۔ 2 گرمی میں پیریڈز کے دوران جلد کے مسائل کا حل

پیریڈز کے دوران جلد کے مسائل جیسے ریشیز، خشکی، سوزش، درد اور تکلیف سے بچنے کی ترکیب مناسب حفظان صحت پر عمل کرنا ہے۔ کچھ آسان تجاویز کے ساتھ جلدی سے پیریڈز کی مدت گزارنے  کے طریقے موجود ہیں, جو ان حساس دنوں کے دوران آپ کو خوش اور آرام دہ رکھنے میں مدد کریں گے۔

۔ 1 سینیٹری پیڈز کو جلد تبدیل کریں

پیریڈز کے دوران، آپ کو اپنے سینیٹری پیڈز کو جب بھی ممکن ہو تبدیل کرنا چاہیئے، لیکن کچھ خواتین صاف باتھ روم نہ ہونے کی وجہ سے یا خون کے کم بہاؤ کی وجہ سے پیڈ کو پورے دن کے لیے رکھتی ہیں. یاد رکھیں کہ پیڈ کو کسی بھی حالت میں چار گھنٹے سے زیادہ نہیں پہننا چاہیئے۔

اس بات سے کوئی فرق نہیں پڑتا ہے کہ وجہ کیا ہے، آپ دن میں کم از کم دو بار پیڈ تبدیل کریں۔ یہ آپ کو بہتر، صاف ستھرا اور آرام دہ محسوس کرنے میں مدد کرے گا۔ کچھ خواتین کپڑے کے سینیٹری پیڈز کا انتخاب کرتی ہیں، حالانکہ یہ بھی ٹھیک اور آرام دہ ہوتے ہیں، آپ کو انہیں بھی جلد تبدیل کرنا چاہیئے۔

۔ 2 ڈھیلے کپڑے پہنیں

ڈھیلا، نرم اور سوتی لباس ان حساس دنوں میں آپ کی مدد کرے گا۔ جینز، ٹائٹس یا فٹڈ ٹراؤزر پہننے سے زیر ناف حصے میں اور اس کے ارد گرد ہوا کا گزر نہیں ہوتا جس سے زیر ناف میں پسینے کے جمع ہونے سے خارش بڑھ سکتی ہے، اس لیے ہوشیار رہیں ایسا لباس پہنیں جو آپ کو پسینے سے پاک رکھے۔

۔ 3 اپنے آپ کو خشک رکھیں

سینیٹری پیڈ پہننے سے پہلے وجائنا کے حصے پر ٹیلکم پاؤڈر لگانا ماہواری کے دوران ریشز کو روکنے کا ایک بہترین طریقہ ہے۔ پاؤڈر کا استعمال سینیٹری پیڈ کے ذریعے پسینے کو جذب ہونے سے روکتا ہے۔ اس طرح، پیڈ بہت صاف اور نمی سے پاک رہتا ہے۔ پاؤڈر لگانے سے آپ کی جلد اور پیڈ کے درمیان رگڑ کو روکنے میں بھی مدد ملتی ہے، اس طرح دانے اور پھوڑے بننے سے بچاؤ ہوتا ہے۔ یاد رکھیں جب بھی آپ پیڈ تبدیل کریں تو اس پر عمل ضرور کریں۔

۔ 4 صاف ستھرا رہیں

اپنی ماہواری کے دوران، اپنی وجائنا اور ارد گرد کے حصوں کو صاف رکھنے کے لیے کافی احتیاط برتیں۔ گھریلو کاموں اور بھاگ دوڑ کے درمیان، وجائنا کو پانی سے دھونا یاد رکھیں۔ یہ ہر چار گھنٹے بعد کریں۔ یہ ماہواری کے دوران ریش کے مسائل سے نمٹنے کا ایک بہترین طریقہ بھی ہے۔

۔ 5 اینٹی سیپٹک کریم

ماہواری کے دوران خارش والی جلد سے بچنے کے لیے، زیر ناف کے ارد گرد اینٹی سیپٹک جیل یا کریم لگائیں۔ جب بھی آپ اپنا سینیٹری پیڈ تبدیل کریں تو کریم یا جیل لگانا چاہیئے۔ اگر آپ کی جلد جیل یا کریم پر منفی ردعمل ظاہر کرتی ہے تو اسے فوری طور پر لگانا بند کر دیں۔ جلد پر کسی بھی نئی پروڈکٹ کے استعمال سے پہلے ہمیشہ جلد کے ماہر ڈاکٹر سے مشاورت ضروری ہے۔ اس سلسلے میں کسی خاص جیل یا کریم کو خریدنے سے پہلے ڈاکٹر سے رابطہ کر سکتے ہیں۔

۔ 6 گرم سکائی کریں

ایک مؤثر گھریلو علاج جسے آپ پیریڈ ریشز کو کم کرنے کی کوشش کر سکتے ہیں وہ ہے گرم کمپریس۔ ایک صاف کپڑا لیں، اسے گرم پانی میں بھگو دیں، اضافی پانی کو نچوڑ لیں، اور پھر اسے اپنی اندام نہانی پر رکھیں۔ گرم کمپریسس نہ صرف دانے کو کم کرتے ہیں بلکہ درد سے بھی آرام فراہم کرتے ہیں۔

۔ 7 ماہواری کے دوران حفظان صحت سے متعلق مصنوعات سے پرہیز کریں

پیریڈز میں صفائی کو برقرار رکھنا بہت ضروری ہوتا ہے۔ آپ کو اپنی وجائنا کو گرم پانی سے صاف کرنا چاہیے لیکن دھونے کے لیے اسپرے، صابن، یا کیمیکل پر مشتمل مصنوعات کا استعمال نہ کریں کیونکہ یہ آپ کی وجائنا کے ارد گرد کی حساس جلد میں الرجی کر سکتا ہے۔

مرہم ایپ کو ڈاؤن لوڈ کرنے کے لیۓ یہاں کلک کریں

Android	IOS